فلمێ ژیان دگه‌ل بابه‌لیسكێ بوجارا ئێكێ ل دهوكێ هاته‌ نیشان دان

ژێر چاڤدێریا رێزدار (ته‌مه‌ر ره‌مه‌زان) ل روژا پێنج شه‌مبى رێكه‌فتى 30/4/2009 ب هه‌لكه‌فتا جه‌ژنا جیهانى یا كرێكارا رێكخراوا مه‌ند ب هه‌ڤكارى دگه‌ل ئێكه‌تیا سه‌ندیكایێت كرێكارێت كوردستانێ تایێ دهوكێ , فلمێ (ژیان دگه‌ل بابه‌لیسكێ) ژ نڤێسین و ده‌رهێنانا (شینوار كه‌مال) و ژ به‌رهه‌مێ رێكخراوا مه‌ند, ل هولا (ئێكه‌تیا نڤێسه‌رێت كورد) و ب ئاماده‌بوونا ژماره‌یه‌كا باش ژ ئاماده‌بوویا ژ كه‌سایه‌تى و ره‌وشه‌نبیرێت پارێزگه‌ها دهوك پێشكێشكر .
و په‌یڤه‌ك ژلایێ سه‌روكێ رێكخراوا مه‌ند (هێرش ره‌شید) ڤه‌ هاته‌ پێشكێش كرن كو تَێدا ئه‌گه‌رێت دروستكرنا ڤى فلمى دیاركرن , و سوپاسیا هه‌مى لایێت هارێكار كر, پاشان په‌یڤا ده‌رهێنه‌رێ فلمى هاته‌ پێشكێش كرن و ئاریشه‌ و ئاسته‌نگێت كه‌تینه‌ درێكا واندا ده‌مێ چێكرنا ڤى فلمى دیاركرن, ددویڤدا سوپاس نامه‌ ودیارى ژلایێ رێكخراوێ و سه‌ندێكا كرێكا پێشكێشى ستافێ كارى كر.و فلم هاته‌ نیشاندان.ماوێ فلمى (24) خوله‌ك بوون و چیروكا فلمى ده‌ربرین ژ ژیانا زاروكه‌كێ كرێكار كو ژ ئه‌گه‌رێ هه‌ژاریێ نه‌چاردبیت دبیته‌ كرێكار و ماف و ژیانا خوه‌ دكه‌ته‌ قوربانى بو هه‌ژاریێ.هه‌روه‌سا باراپتریا ڤان ئه‌كته‌رێت دناڤ ڤى فلمى دا كاركرى هه‌مان ژیانا خویا روژانه‌ تێدا دیار دكر, بو نموونه‌ ئه‌كته‌رى َزاروك و قاره‌مانێ فلم ئاراز تاها كو رولێ وى كرێكارێ پیشه‌سازى بوو و دفلمى ژى دا هه‌مان رول دگێرا.هه‌ژى گووتنێ یه‌ كو باراپتریا ئاماده‌بوویا ده‌ست خوشى ل ستافێ كارى و ده‌رهێنه‌رێ فلمى كرن و ئه‌ڤ فلمه‌ ب كاره‌كێ پیروز و باش ل قه‌له‌م دان .